Espazo multimedia de aprendizaxe (EMA)

A Rede CeMIT pon a disposición dos usuarios e usuarias da Rede CeMIT un Espazo Multimedia de Aprendizaxe (EMA) que complementa a formación presencial impartida nas 98 aulas da Rede, e achegando deste xeito a alfabetización dixital a un maior número de Cidadáns.

A través de EMA, os usuarios e usuarias xa rexistrados da Rede CeMIT  poderán acceder dende calquera punto, de xeito gratuito e en calquera momento, a un amplo catálogo de cursos de alfabetización dixital, os únicos requerimentos para elo serán:

• Contar cun equipo informático que teña acceso a internet.
• Ser usuario / usuaria rexistrado na Rede CeMIT.

Os cursos que se lanzan oficialmente no eido da Alfabetización dixital estarán abertos todo o ano, non sendo por tanto necesaria a matriculación ou reserva de praza previa, bastará con premer no curso para acceder aos seus contidos e poder comezar a formación.

Todo aquel cidadán aínda non rexistrado na Rede CeMIT, poderá facelo seguindo o procedemento establecido. Finalizado o proceso de alta, e unha vez recibido o usuario/a e contrasinal individual, poderá acceder a EMA.

Como rexistrarse na Rede CeMIT e empregar o Espazo Multimedia de Aprendizaxe?

Os novos cursos de teleformación da Rede CeMIT formarán aos usuarios e usuarias na utilización de recursos, ferramentas e programas informáticos e abordarán diferentes temáticas relacionados coas novas tecnoloxías. A continuación, presentase o catálogo de cursos en liña dispoñible:

• Como manexar os nosos datos persoais. Lei orgánica de protección de datos.
• Prevención de Riscos Laborais no Uso das TIC.
• O GIMP. Unha ferramenta en software libre para o deseño dixital.
• Audacity: edición de son en software libre.
• Openshot: unha ferramenta en software libre para a edición de vídeo.
• Klavaro. Unha ferramenta para mellorar a mecanografía.
• AbanQ: Xestión empresarial.
• Elaboración de carteis e folletos: Scribus, Inkscape.
• Xogos de adestramento mental: Gbrainy, Pezas e mini-aplicacións.

Prema aquí para acceder a teleformación